सुमारे ४० वर्षांपूर्वीचा एक सत्यसंकल्प पूर्णत्वास गेला आणि उभे राहिले श्री नृसिंह सरस्वती धाम (श्रीगुरु श्रीशंकर मंदिर). ‘जे जे मन इच्छावे, ते ते सद्गुरू कृपेने लाभावे’ या उक्तीचा संपूर्ण अर्थ उलगडून दाखविणारे हे मंदिर. त्याचा थोडक्यात परिचय सद्गुरूंच्याच प्रेरणेने देण्यात येत आहे.
प. पू. सद्गुरू श्री दादामहाराज यांच्या घाटकोपर येथील निवासस्थानी ५० वर्षांपूर्वी एका साधूंचे आगमन झाले होते. त्यांनी श्री दादामहाराजांना सांगितले की तुमच्या कडून एका मंदिराचा संकल्प पूर्णत्वास येणार आहे.
“क्षेत्रोक्षेत्री लीला विहारी” अशा महाराजांच्या या संकल्पपूर्ती साठी अत्यंत शांतपणे, संयमाने आणि साक्षीभावाने श्री दादामहाराजांची वाटचाल त्या दिशेने सुरू राहिली. ट्रस्टची स्थापना झाली.